Uniun da scursalets Trun

L'Uniun da scursalets Trun ei vegnida fundada igl onn 1962 el Hotel Casa Tödi. Dapi la fundaziun preparan in per idealists onn per onn la patinera naturala a Trun/Pustget. Igl ei intec in cumbat permanent denter ils giavischs dils «Ismeisters» e la luna da S. Pieder. Denton gartegia ei adina puspei - unviern per unviern - da dumignar siado in bellezia glatsch. 

Malgrad che l'uniun pren buc pli part al campiunadi da hockey posseda ella aunc adina da duas equipas da hockey sin glatsch. Vitier vegn ina partiziun da juniors e la scola da patinar pils affons pigns.

Occurrenzas che serepetan annualmein ein il turnier da premis da hockey sin glatsch ed il turnier da fierer rudialas. 

Ils davos onns ei la purschida carschida cun la possibilitad da fierer rudialas e cun guder en buna cumpignia in bien fondue en nossa ustria. 

Grazia als commembers fetg fideivels ed al sustegn dalla populaziun, dallas autoritads communalas e cunzun era da nossas fatschentas exsta l'UDS Trun aunc adina ed ei vitala sco els megliers onns. E nus sperein ch'ella stetti aunc ditg gliez.