Grond success agl emprem Truffli Cup

Suenter entgins onns han sin iniziativa da Mischa e Curdin puspei giu liug in turnier per nos juniors ed affons dalla scola da patinar. Ensemen cun igl EHC Flims eisi vegniu mess en pei il Truffli Cup. Il turnier a Trun previus ils 15 da schaner ei deplorabel daus ell'aua muort las temperaturas cauldas. Il turnier a Flem ha denton giu liug sco previu la dumengia ils 5 da fevrer. E nossas giugaduras e giugadurs han brigliau!

Categoria pigns: 1. plaz

Categoria mesauns: 1. e 4. plaz (da tschun equipas)

Categoria gronds: 1. e 2. plaz

In bravo a tuttas participontas e participonts ed in grond engraziament agl EHC Flims per la collaboraziun ed a Mischa e Curdin per lur engaschi en favur dils affons e da nossa Uds Trun.